Shahi tukray new|unique recipe

 شاہی ٹکڑے

 اب  بنائیں شاہی ٹکڑے نئی اور لاجواب ریسپی کے ساتھ ۔  جو  نہ صرف  آپکو  بے حد لذیذ لگے گی بلکہ آسان اور جھٹ پٹ بھی۔ تو چلیں   بنائیں یہ شاہی ٹکڑے اور۔ خاندان میں مشہور ہو  جائیں۔

   اجزاء  : 

1. دودھ: ایک کلو 
2.   کسٹرڈ: 3 سے 4 چمچ 
3.   انڈے: 2 عدد 
4.  چینی  حسبِ ضرورت 
5.  کیک : 3 عدد (ہلال اسٹرا بیری کیک)
6. گھی/آئل  : حسبِ ضرورت
7. درکار وقت: 30 منٹ. 
8.  تیار کردہ : چار سے پانچ لوگوں کے لئے

ترکیب : 

• یہ خاص کسٹرڈ اور فرینچ ٹوسٹ والی  شاہی ٹکڑوں کی ریسپی ہے جس کے لئے ہم پہلے کسٹرڈ بنائیں گے پھر فرینچ ٹوسٹ۔ تو چلئے شروع کرتے ہیں ۔

کسٹرڈ :

• ایک دیگچی میں دودھ ابالنے کے لئے چولہے پر رکھیں اور اس میں حسب ذائقہ چینی ڈال دیں ۔
• آدھا کپ دودھ میں دو سے تین چمچ کسٹرڈ پاؤڈر شامل کریں اور اچھے سے مکس کریں۔ 
• دودھ ابلنے پر یہ دودھ میں ڈال کر اچھی طرح سے مکس کریں تا کہ  اس میں کوئی گٹلی نہ بنے ۔
•  تیار ہونے پر اس میں دو حلال کیک شامل کر کے  ہلکا سا  مکس کر کے سائیڈ پر رکھ دیں ۔ 

فرینچ ٹوسٹ: 

• ایک کپ میں دو انڈے توڑ دیں۔ ایک  چٹکی نمک اور ایک چمچ چینی ڈال کر پھنٹ لیں۔  پھر دودھ ڈال کر اچھے سے میکس کریں ۔
• اب فرائی پین میں آئل  گرم ہونے دیں ۔ 
• ایک بریڈ سلائس انڈے اور دودھ کے مکسچر میں  ڈبو کر    فرائی کرلیں۔  اچھے سے گولڈن ہونے تک فرائی کریں۔ اسی طرح سارے سلائس فرائی کریں۔
• اب ٹوسٹ کو درمیان سے ترچھا کاٹیں اس طرح   ایک سلائس دو ٹرائی انگولر شیپ میں کٹ جائے۔ اسی طرح سارے سلائس کاٹیں۔
• ایک ٹرے لیں اور سارے سلائس 1 لائن سے لگا دیں۔اب ان پر کسٹرڈ ڈالیں اس طرح کے تمام سلائس پر کسٹرڈ اچھے سے آ جائے۔ پھر ایک کیک کو توڑ کر اس پر گارنش کریں ۔ 
• سٹرا بیری کو آدھا کاٹ کے بھی گارنش کر سکتے ہیں یا پھر خُشک میوہ جات کے ساتھ بھی۔ اگر میسر ہوں تو ورنہ ضرورت نہیں۔
•  اب شاہی ٹکڑے تیار ہیں ۔ بہترین زائقے کے لئے فریج میں ایک گھنٹا  رکھ کر  استعمال کریں۔ 
• یقیناً آپ کو یہ ریسپی بہت پسند آئے گی  ۔ ایک ٹرائی ضرور کریں، پھر دیکھیں کوئی اور ریسپی پسند نہیں آئے گی۔ اور اگر ریسپی پسند آئے تو شیئر اور فالو کرنے میں ذرا بھی نہ شرمائیں ۔ شکریہ۔